ESTA HISTORIA VA CONTIGO

Los Ayuntamientos de Estadilla, Fonz y Graus convocan el IX Concurso literario en aragonés baixo-ribagorzano Condau de Ribagorza, en las modalidaz de narrativa y poesía.

1. La convocatoria del concurso é de tot ubierta, se i puede presentá qui quiera.

AB ENERGÍA AIRE ACONDICIONADO

2. Los treballos habrán de sé originals y inéditos. Los concursantes se fan responsablles de que no ñ´hai dreitos de terceros en los rellatos presentaus.

3. La temática del concurso é llibre.

4. Los originals estarán escribius nomás en cualquiera de las modalidaz dialectals de l’aragonés baixo-ribagorzano, en las suyas variantes de Graus, Fonz, Estadilla, Chuseu, Torres, Panillo, Capella, La Pueblla de Castro, Secastilla, Perarruga, Santallestra, Campo, etc.

5. Los rellatos tendrán una extensión no inferior a tres pllanas DIN A-4 ni superior a seis, y se presentarán mecanografiaus a doblle espacio y per una sola cara. Caldrá que vaigan acompañaus d’una copia en soporte informático.

6. La métrica de los poemas é llibre, y la suya extensión habrá de ser superior a trenta versos y inferior a doscientos, podén-se presentá baixo la forma de poemas sueltos u poemarios. Tamé caldrá que se i acompañen d’una copia en soporte informático.

7. S’admitirá un máximo de dos treballos per autor, se presenten u no a la misma categoría del concurso.

8. Los treballos podrán entregá-se en mano u mandá-los per correu al Servicio de Cultura del Ayuntamiento de Graus (Pllaza de la Compañía 1, baixos, 22430 GRAUS), con la referencia Concurso Condau de Ribagorza, y quedarán en posesión de la Organización. El pllazo d’entrega acaba a las 15 horas del miércoles 31 de marzo de 2010.

9. Los treballos habrán d’inclluí un título que s’indicará en l’exterior d’un sobre zarrau, en l’interior del cual se i posará el nome y apellidos de l’autor, a más d’una fotocopia del DNI.
Premios, churau y fallo del concurso.

10. La dotación del Concurso é de 900 € en la categoría de rellatos y 600 € en la categoría de poemas.

11. El Churau, que podrá decllará desiertos los premios u atorgá accésits si fuese menesté, estará integrau per un representante de cada ayuntamiento convocante (Estadilla, Fonz y Graus) y per varios llingüistas de reconocida profesionalidá, los nombres de los cuals se farán públlicos cuan s´entregue el premio, qui será inapelablle.

12. La Comisión fará públlico el fallo del churau en Graus el viernes 23 d´abril de 2010.

13. La Organización publlicará una tría de los treballos presentaus.

14. El churau tiene la potestá de resolvé cualquier eventualidá que no haiga siu fijada dinantes en estas bases, resolvén-se al suyo arbitrio cualquier duda que se i podese presentá. La grafía en que se publlicarán las obras premiadas, con l’asesoría de los llingüistas que integren el churau, atenderá a los usos de los autors tradicionals.
En Graus, a 27 d´enero de 2010

BASES DEL IX CONCURSO CONDAU DE RIBAGORZA
DE RELLATOS CURTOS Y POEMAS EN BAIXO-RIBAGORZANO
Ayuntamiento d’Estadilla
Ayuntamiento de Fonz
Ayuntamiento de Graus

TIENDAS ONLINE

Dejar respuesta

Please enter your comment!
Please enter your name here