ciudadanos

Leyendas de l’Alto Aragón se publicó en 1985 con catorze leyendas; en a 2ª edizión de 2003 l’autora achuntó tres más. Ubre o libro una d’as más conoxitas, “Leyenda de la Basa de la Mora, de Plan” que ye a pista ta parar cuenta d’a fuen prenzipal d’a obra, a tradizión oral popular, e más concretamén a sapiencia d’a suya lola Joaquina Sesé. Asinas prenzipia:

«-Yaya, ¿per qué le dizen a l’Ibón de Plan, “la basa de la Mora»? –una boz de mozeta, nerbiosa, curiosa y espresiba, rompe el silenzio d’una bilada d’ibierno.»

GOB ARAGON surge

O rilato que le fa a lola a ra nina, pleno de machia, remata asinas:

«Porque dizen que la siñora que baila en el Ibón de Plan, en la maitinada d’el día de San Chuan, ye l’anima d’una prinzesa mora, que se ba perdere per es picos de Xistau, cuan fuyiba…»

Diez d’istas leyendas son ambientatas en a Bal de Chistau. Belunas preban d’esplicar a denominazión d’un parache, un mon e tamién un edifizio. Asinas ocurre con a leyenda ya zitata, e con “La espluga de Mur Garzía” – ambientata en a esfensa d’o territorio cuentra a empenta musulmana en a Edá Meya – “Leyenda d’el peu de la moncha” – enreligata a l’orichen d’o Reino d’Aragón -, “Leyenda de la torre d’el Tardán”, “Lafortunada y Las Debotas” – testimonio d’o toponimo de L’Anfortunada- , “El Blinco’l Gabacho”, “El puen Pecador” e “Una faloria chistabina sobre Lardana”.

Atras leyendas abordan temas relichiosos, una costante en a obra de Nieus Luzía Dueso, como “Leyenda de la Birchen de la Plana” e “Istoria y leyenda de San Medardo, patrono de la billa de Benabarre”. Dos más nos leban por o camín d’o misterio, “La misa d’el cura de Benás”, con una almeta en pena que cal aconsolar e “Las bruxas”, tematica broxeril, como no podeba faltar.

Dueso no s’olbida de narrar una d’as istorias más pupulars d’a bal, a “Leyenda d’el señor de San Chuan” que se ferá tamién canta con La Orquestina del Fabirol e nobela con El siñor de San Chuan (2017) de José Solana. Balbastro tamién tiene a suya leyenda en iste bolumen, l’autora no se quiere olbidar d’a suya segunda casa e creya “la Corona d’Aragon”, una polida historia sobre o matrimonio d’a reina Petronila d’Aragón en a plazeta d’a Candelera. Con istos bersos remata o rilato:

«Plaza de la Candelera

de l’Entremuro la reina.

Encá te dura’l perfume

d’aquela princesa nena,

que casando-se mozeta

ba fer posible la llega

de lo qu’eba de formare

LA CORONA DE ARAGÓN.

Achuntando aquelas tierras

d’Aragón y Cataluña

en dos ermanas eternas.»

SUSCRIPCION

Dejar respuesta

Please enter your comment!
Please enter your name here